luns, 28 de marzo de 2016

Como los signos tán sobre la esfera (Jordi de Sant Jordi)


Como los signos tán sobre la esfera
col envís d'instruyir al sabiu astrólogu,
toa virtú en mio dama insigne ta
que pa estremar son quien dellos teólogos;
púnxo-yles Dios, que fixo esti retablu
pa que caún, mirando la so talla,
vea d'honor cabeza, pie, costazos,
mano, y nella pensando nunca falle.

Asina como dio a Moisés les tables
Dios pa guardar de falta al pueblu so,
unviónos, sin mentires y sin fábules,
pal nuesu bien, d'acá,'l so cuerpu noble;
que ye talu que'l mundu tou abarca
el so renome, y ye valiente y casta;
y llámola de prez arquivu y caxa,
frutu'l prestu, d'aquel que naide tastia.

Como salvó Noe, en dientro del arca,
lo que punxo nel tiempu del diluviu,
salva mio dama a aquellos de so marca,
col so inxeniu, del ríu vergoñosu
que cuerre en mundu, u toi nagáu por fama;
que tala ye que nun consiente mancha
nel falax, nin nel fechu nin na fama,
pa qu'en preciu d'honor tea so prez.

Como Dios torgó'l frutu de la caña
de comelu al primer padre de nueso,
al que de so se diz torga mio dama
que vileza nun muestre en fechu o dichu,
nin tema un res perder la so persona
pa facer el so honor en plaza o monte;
y, si a esti ella da la so amistá,
al cobarde amenaza con vergoña.

Que yo ansí como aquel que s'abandona
llanzándose al mar, viendo perdé'l barcu,
y ruega a Dios lu llibre de la fola,
ríndome a ella, u gran valor s'axunta,
suplicándo-y me saque de los vicios
que puen feme perder l'honor del sieglu,
qu'en puntu talu tán mios artificios
qu'apeligro, si nu'axeito mio vida.

Reina d'honor, tou home tó por fatu
que vos fale d'amor y vos requiera,
que naide ye a atopar nicios en vós
por que causa semeya hayáis sufrir.